PARAUSAN (Part 6 Lumpagi)
Natuklasan ni Inggok ang kataksilan ng kanyang asawa at ng kanyang kumpareng si Jaime. Sa gitna ng katalunan ay kinailangan nyang mamili. Kailangan nyang kumilos. Kailangan nyang isalba ang kanilang pagsasama o isalba ang kanyang karangalan.
Pumarada si Inggok sa tabi ng traysikel na nakaparada sa harap ng motel. Nagkandahaba ang leeg nya sa pagtanaw sa nakasaradong entrance ng motel. Nanginginig sa galit ang kanyang katawan. Naglalaro ng apoy ang kanyang asawa! Ngunit, mas masakit sa pandama nya na ang tomotorotot ngayon sa kanya ay ang kanyang matalik na kaibigan at kumpare pa nyang si Jaime.
Sa mga oras na iyon ay nakadama siya ng biglang pag-kalma ng nagpupuyos nyang damdamin. Napabuntung-hininga siya. Iniputan ni Grace ang ulo nya. Ito ang maliwanag pa sa araw na katotohanang natuklasan nya.
Mahal nya ang asawa. At mayroon silang isang anak na magli-limang-taong gulang na. Tinimbang-timbang nya sa sarili kung ano ang gusto nyang gawin sa natuklasan. Ipinasiya nyang huwag munang gumawa ng eskandalo at magpadalus-dalos.
Palihim nyang sinipa ang gulong ng traysikel ng kumpare. Ubos-lakas ang sipa nya. Inisip nyang kahit man lang sa pamamagitan nito ay makaganti ng kaunti ang amor-propio nya. Napa-aringking siya sa sakit ng tumama ang psa nya sa hubcap na tumatakip sa mga rayos ng gulong. Naka-sinelal lang si Inggok. Ang hinlalaking daliri ng paa nya ang tumama sa hubcap.
“Syet…” pabulong na nasabi nya habang paika-ikang bu...
What's Your Reaction?
Due to the nature of this site, you must be logged in to react.
